Williamnagar, Jymmang 10: Ki pulit jong ka East Garo Hills mynta ka sngi ha dien ba ki la ioh ia ka jingtip ba ki don ki dkhot jong ka ANVC(B) kiba don hapoh jong ka sor Williamnagar na ka liang jong ki pulit ryngkat bad ki CrPF ki la ker kut ia ki lad baroh bad khynra na phang ia kiba iaid ba ieng bad ha kane ka jingkhynra ki la ioh ban kem ia u wei na ki dkhot jong ka seng lehnoh ANVC(B).
Une u ba shah kem la tip kyrteng kum ka Wesefild C Marak. Na ka met jong u ki pulit ki la ioh ban kurup kawei ka pistol 9.mm pistol san tylli ki kuli kiba khlem pat pyndon kam bad ka pisa T.60000 tyngka. Ha dien ba la ioh ban kem ia u ki pulit ki la pynlong ka jingtohkit ban lap shuh shuh ia kiwei kiba la wan lang ha ka sor Williamnagar.(SP News)
