Shuwa ka 15 tarik kyllalyngkot yn pynbna tiket ka Congress

Shillong, Nohprah 28:  Ka All India Congress Committee (AICC) ka don hapdeng ka jingeh mynta ban shim ia ka rai ia no ban ai tiket bad ia no yn pynduh namar ki ar ngut ki MLA jong ka Congress u Bah S Nongrum bad u Bah S Rymbai ki dei ki MLA.

Ka AICC ka la aiti sha ka Ambika Soni ba kan pynbeit ia kane ka kam, hynrei ha kane ruh ka don ka jingeh namar ka Congress kumba ka long mynta ka don ar kynhun kawei kaba la ialam da u bah DD Lapang bad kawei ka dei kaba la ialam da u Myntri rangbah u Dr Mukul Sangma.

Kine ki nongialam kiba ha khmat eh jong ka Meghalaya Pradesh Congress Committee (MPCC) ki ia leh katba lah ban khroh ia ki nongialam jong ka AICC ba kin ai tiket ia ki briew kaba ma ki ki kwah. Kumba ka long na Rajabala ban pynduh ia u Bah Nongrum kam dei kaba suk bad na Umroi ban pynduh ia u Bah Rymbai ka long kaba eh.

Ki thymmei khubor kiba la lah ban ioh da u SP News Agency ki iathuh ba la khot ia ki nongialam kiba ha khmat jong ka MPCC ba kin ia poi sha Delhi shuwa kane ka snem thymmai ban ia kren namar ka por ka la slem palat bad na ka liang jong ka AICC ka kwah ban shuwa ka 15 tarik jongu bnai kyllalyngkot kan pynbna noh ia baroh ki kyrtong ha ki 60 tylli ki constituency.(SP News)

 

What Next?

Related Articles

Leave a Reply

Submit Comment
*