Shillong,Iaiong 23: Mynta ka sngi uwei u briew uba dei u bar jylla uba ka kyrteng bad ia ka jaka sah um shym pat la tip satia hynrei la shu antad ba u dei na ka jaitbynriew kharkhali ula khlad hajan Hima Mylliem ha Mawkhar
Ha kane ka sngi ki pulit pyniaid kali ki la iohi ia une u dkhar ba ula thiah lyngkrang ha surok ki dang pyrkhat ba u buaid bad ha ka jingbun kam ki khlem shym la pynleit jingmut ia une u dkhar.
Ha kane ka sngi u Bah WHD Syngkong uba long u rangbah shnong jong ka Mawkhar haba ia kren bad ki lad pathai khubor ula ong,mar syn ioh jingtip ia kane ka jingjia ula leit da lade ban peit ia kaba la jia bad ula iohi ia une u dkhar ba ula thiah ha kane ka surok shnong bad kumta hi kum u rangbah shnong ula phone sha ka kali 108 ban ai ia ka jingiarap ia une u dkhar hynrei na ka jingslem palat kane ka ambulance une u dkhar ula khlad noh hi ha kane ka jaka.
Ia ka daw jong ka jingkhlad ym tip na kaei ka daw hynrei ia ka metiap la pynkit noh sha Shillong Civil Hospital ban pynlong ia ka jingtohkit. La antad ba une u briew u la iap tyrsaw.(SP News)
