Shillong, Iaiong.19: Watla ka liang pyr-shah ha ka ingdorbar thawaiñ kaba tip kum ka Meghalaya Peo-ple’s Forum (MPF) ka pyrshang ban tan ia u bah Robert G Lyngdoh ban long kum u kyrtong jong ka ha ka ilekshon MP sha ka Lok Sabha na Shillong seat ka ban sa long ha u snem ban wan hynrei kaba paw mynta ka long ba u bah Lyngdoh u lah ban iakhun na ka Congress lada u ioh tiket.
Ka para jong u ka kong Ampareen Lyngdoh kaba dei ruh ka nongmihkhmat ka Shillong East ha ryngkat ruh kum ka president ka Laitumkhrah BCC ka la iathuh ha ki katto katne ngut ki nong-thoh khubor ba u bah Robert u don ka jingthmu ban wan ban pyniasnoh biang bad ka Congress hynrei kane kadei tang lada don ba wan ban tyrwa ia u.
Haba iadei bad kane ka BCC na Laitumkhrah ka la shim ia ka rai ba kan sa leit ban tyrwa ia u ha ka 11 tarik jong u bnai ban wan ban tyrwa ia u ba un bat kum u adviser.
Watla ka kong Ampareen kam shym la batai shai lada u bah Robert un iakhun ne em ia ka ilekshon MP hynrei ka la shu ong ba lada u la don hi ha ka party ka shong ha u ban un pan ia tiket lada u kwah ban iakhun.
Kumba paw mynta ka Congress ka dang shem jingeh lada yn dang ai tiket ne em ia u bah Vincent H Pala uba long u MP ka Lok Sabha na Shillong seat hadien ba kiba bun ki nongkitkam ka Meghalaya Pradesh Congress Committee (MPCC) ki la pynsngew ia ka jingbym hun ia ka jinglong MP jong u.
Lada u bah Robert u ioh ia ka tiket kane kan long kum ka lynti ban shim ia ka jaka u kpa jong u, bah PG Marbaniang (bam kwai ha dwar u Blei) uba la long teng u MP ha ka snem 1989 bad 1991.(SP News)
