Guwahati, Naitung 28: Haba kren halor ka jingbethei bomb a dang shen ha ka Assam ha Lakhimpur bad Karbi- anglong, u myntri rangbah ka jylla Assam U Tarun Gogoi,u la ong ba u nongialam jong ka seng lehnoh ULFA u Paresh Baruah u la kwah ban shu pynibor jubor namar ka seng ka la tlot.
Kane jingleh la phah da ki ri nongwei kaba kim kwah ban iohi ia ka roika par ha kane ka Ri India ha kaba u tei u nongialam jong ka seng lehnoh ULFA u hap ban shu koh nguh ia kaei kaba ki hukum ia u la ong u Tarun Gogoi.
Naka liang jong u myntri rangbah u la ong ba la dep ban bthah ia baroh ki bor jong ki District Adminstration ba kin long kiba la khreh ban ia khun pyrshah ia kano kano ka jingeh kaba lah ban mih. Na ka liang jong ka sorkar ruh ka long kaba la kreh ban ia khun ia ki jingeh kiba lah ban mih ha kane ka jylla Assam.
Na ka liang jong ka tnad pulit kan sa pynrung kam shuh sa 8000 ngut ki briew ban pyndap ia kaei kaba la leh ha u snem ba la dep 12000 ngut. Naka liang jong u Gogoi u la ong kaba kongsan eh ka dei ban ia trei lang ha pdeng ki paidbah bad ki pulit.
U myntri ranngbah ka jylla Assam u la pep ka jingleit sha Africa naka daw jong ka jinglong jingman ka shong suk shongsain ha ka jylla kaba yn da shngian kumba ka long mynta.(SP News)
