Yn leit ia shim bynta u CS bad u DGP ha ka jingialang ha Delhi namar ki kam batbor

Shillong Kyllalyngkot 02:  U Chief Secretary jong ka jylla u Bah WMS Pariat bad u DGP jong ka jylla u Kulbir Krishan kin leit ban ia shim bynta ha ka jingialang kaba la khot da ka tnad kam poh iing jong ka Ri India kaban long ha ka 4 tarik mynta u bnai.

Ia kane ka jingialang la khot kyrpang da katei ka tnad jong ka sorkar pdeng ka long ban ia kren halor ka jingshah batbor jong ki kynthei ha kane ka ri India bad khamtem eh ha dien ka jingjia ha Delhi kaba kawei ka samla ka la duh ei ia la ka jingim.

Ha kane ka jingialang na ka liang jong ka sorkar Meghalaya ka la hap ban ai jingkhien ia ka jingshah batbor jong ki kynthei ha kane ka jylla Meghalaya. (SP News)

What Next?

Related Articles

Leave a Reply

Submit Comment
*