Nongstoin, Naitung 30: Ka Seng Hynñiewtrep youths’ Council Nongstoiñ circle mynta ka sngi ka la ioh ban leit buh jingthoh ha Health Department na bynta ban leh noh ia ka jingtest Naphang ïa ki paidbah hapoh ka thaiñ Nongstoiñ la ka long ïa ki paidbah Nonglait nongwan lane ki paidbah ki ba shong shnong hapoh ka area Nongstoin.
Ka HYC ka shim ia kane ka rai ka dei hadien ba la don ki katto katne ki briew ki ba la ïoh ia u Covid-19 ki ba shong ba sah hapoh Nongstoin area kumta ka seng ka pynpaw ïa ka jingsngew syier ïoh ba kan sa saphriang shuh kumta lada pyndonkam noh ia ka ka random test ia ki paidbah kan ïarap ban īoh jingtip mano ba ïoh bad mano bym pat ïoh kumta ngin lah ban ïaleh ïa u ne u khniang jingpang bad hadien ba la test ïa ki ba ïoh la hap ban phah set slung noh katba ki bym ïoh ki lah ban ïaid ban ïeng kumba ju long namar kumba ka long mynta ki don ki Shnong kiba hapoh ka thain bym shah shuh ïa ki nongshong shnong ban wan tang na kadaw ba la don ki ba ïoh Covid-19 ha Nongstoiñ.
Kane ka jingkhang ka wan rah jingeh ïa ki Nongshong shnong ka jingleh jong ki shnong ka long kaba donkam ban Husiar kumba la mana da ki Nongsynshar mynta ka dei sa ka pali jong ka sorkar ba kan shimkhia ban leh ïa ka test Naphang khnang ban ym ktah īano īano ha ka imlang sahlang namar ka jingtieng ka dei ïoh ba,ki ba ïoh Covid-19 ki la don ka jingïakynduh paralok hashwa lane ïa ki ba Ha ïing jong ki kumta lada leh da ka Random test kan wan jingshai bad jingshngaiñ īa ki paidbah jong kathaiñ hi baroh kawei ngi hap ban Husiar namar ka Nongstoiñ ka dei u Klongsnam jong ka west khasi hills lada ktah jur ha Nongstoin kan ktah lut īa baroh kumta donkam ban leh kyrkieh ia katei ka test pynkut ka kyrwoh na u General Secretary HYC Nongstoiñ Circle u Samla Redyfernandy sun.
