Shillong, Naiwieng 10: U myntri rangbah ka jylla u Conrad K Sangma haba iarap ban jubab ia u myntri ka tnad khlaw halor ka jingkylli jong u bah Mayralborn Syiem, na ka liang jong u myntri rangbah u la ong bba ka jingdon jong ki ka long ban iada ia ka hok jong ki paidbah nongshong shnong.
U Myntri Rangbah u la ong ba ka jingbit kaba ka dei ban ioh lyngba ka EIA ka dei tang kawei ka bynta ha kaba ia dei bad kano kano ka project hynrei ki don bun kiwei ruh kaba ki hap ban bud, ka Land Tranfer Act, ki Don ki District Council bad ka sorkar jylla ka dang ia kren halor kane bad ka sorkar pdeng.
U bah Meralborn Syiem u la buh ia ka jingkylli ha kaba ia dei bad ka jingpyntrei kam ia ka Environment Impact Assessment ha kaba u myntri ka tand khlaw u James K Sangma u la pyntip ha poh ka iing dorbar ba haduh mynta la ai jingbit lyngba ka EIA 160 tylli ki project ha ka jylla naduh u snem 2008 haduh 2020.
Kiba la ai EIA kiba la aplly da kaba thep ia ki aplikoshon ki long 39, kiba apply on line 26 ia kiba la ai na ka State Environment Impact Authority bad 95 tylli ki dei kiba la ai lyngba ka dei kiba la ai da ki District Environment Impact Assessment Authoity bad ki aplishon kiba dang sah hapoh ka jingpeit bniah jong ka SEIA bad DESA ki long 36 tylli.
Halor ka jingkylli bynrap kaei kaba ka sorkar kala leh halor la jingpynbna jong ka sorkar pdeng ia ka EIA, 2020 na ka liang jong u myntri u la iathuh ba ka sorkar kala dep ban phah ia ka jingthoh sha ka sorkar pdeng ba ka sorkar pdeng ka dei ban pynneh ia ka jingsngap paidbah 45 sngi ym ban pynhiar sha ka 40 sngi bad ia ka jingpynbna.
Haba ia dei bad ka jingaiwai ia ki par baroh shikatta ka dei beit 30 snem bad lah ban pynjlan shuh sad a 20 snem haba ia dei bad kane kila don shibun ki seng bhalang ruh kiba la ai da ki jingthoh ia kaba ka sorkar jylla kala dep ban phah sha ka sorkar pdeng kumba ki long.
