Nongpoh, Nohprah 19: Kum kawei naka lad ban ia kynduh lang ki para longkmie kiba don hakawei ka kynhun treimon sgewbha kaba la tip kum ka Women’s Organisation of Ri Bhoi District lane ka Word. Mynta ka sngi ka la ioh ioh ban pynskhem biang iaka shnat treikam jong ka.
Ha kaba u MLA ka Mawhati Constituency u Bah Charles Marngar u la wan poi kum u Kongsan haka jing iadon lang u Bah Las Marngar bad hakajuh ka por u Bah Charles Marngar la pynskhem iaki nongkitkam kiba thymmai jong kane ka Association kiba kynthup iaki 28ngut ki dkhot bad iaka Post President la ioh daka Kong Mirajune Myrsing bad iaka post General Secretary la ioh daka Irena Margaret Moksha.
Naka liang ka Association kala sam ruh daki Tapmoh syaid sha ki longkmie Kum ban shu kdew khyndiat iaka Women’s Organisation of Ri Bhoi District la seng ha u Snem 2015 ha ing sah jong u Maheh Dr DD Lapang bala Bam Kwai ha Dwar U Blei hakaba u Bah Charles Marngar u dei u wei naki nongseng iakane ka Association.
Kum ka jing kynmaw ieid ia u Maheh Dr DD Lapang kila pynlong daka jingsngap jar kaba shi minute. Haba ai jingkren naka liang u Bah Charles Marngar u la ba kane ka Association wat lada nga dei u Dkhot jong kane ka Association kam dei pat ban ia khleh lang bad kam Sain pyrthei lane ka Politics.
Bad u la ong ruh ba naduh mynta ka sngi kane ka Association kan treikam pura ban ai ka jingshakri sha ki kynthei bad ki longkmie kiba shem jynjar bad ba kin pyn sgewthuh paidbah ruh halor ka hok long briew man briew jong ki kynthei.
