Shillong, Jymmang 04: Mynta ka sngi u myntri ba dei peit ia ka tnad bor ding u Abu Taher Mondal, u la leit ban jurip ia ka Myntdu Leshka Hydro Project ka jaka pynmih bor ding kaba don ha West Jaintia Hills District ha kaba la synran lang da u bah R. Majaw, Director b dei peit ia ka jingpynmih bor ding ha ka jylla ka Meghalaya Power Generation Corporation Ltd (MePGCL), bad ki heh ka ka MePGDCL.
Kane ka jngleit jngoh ia katei ka jaka pynmih bor ding ka long ban sngewthuh katno ka pynmih bor ding mynta bad ban peit ia ka jingdon kam bad ka jingiakren kumno ban pynbha ia kane ka bynta kaba nyngkong bad ia ka jingtrei yn sa pyndep ha ka 15th Jylliew 2024.
Ha kane ka jingialang mynta ka sngi la shem ba ka don kawei ka jingeh hapoh ka jaka pynmih bor ding Power House ba kam don ia ka signal ban kren mobile, dei na kane ka daw ba la ai jingmut ban thied ia ki kor phah jingtip VHF Sets hapdeng ka jaka pynmih bor ding bad ka jaka pynlang um ka dam.
Ha kane ka sngi u myntri kam bor ding u la leit ban jngoh ruh ia ka dam bad ban peit ia ka jingtrei ban pynbha ia ka bad u la ban jur ba dei ban da trei sani ia ka kam bad ia kane ka jingtrei la pyntrei da ka M/S. Multi Tech Engineers.
Na ka liang jong ka sorkar Meghalaya kala kut jingmut ban peit ba ka jingpynmih ia ka bor ding ka dei ban biang, kane ka jingleit jngoh u myntri ka tnad pynmih bor ding ka long kaba don kam namar kane kan pynthikna ia ka rukom pynmih bor ding.
