Shillong, Nohprah 17: Mynta ka Sngi ka tnad sam mar bam ka sorkar jylla ryngkat bad ka company pynbiang gas ka la pynlong ia ka jingpynbna paidbah ba yn ai ei ia ki tyndong gas ba la tip kum ki LPG sha ki longiing kiba duk lyngba ka scheme Pradhan mantri Ujjala yojna ha ka sien kaba saw.
U Commissioner Secretary ka tnad sam bam ka sorkar jylla U Pravin Bakshi IAS haba kren kum u kongsan u la ong ba kane kan long ka jingmyntoi ia ki longiing longsem ba kin apply namar ha kane ka kynti kaba mynta la kham pynsuk shuh shuh ha kaba kila pynkylla ia ki kyndon, kaba kongsan eh ban ioh ia kane ka jingiarap kiba apply ki dei ban don ia ka kard Aadhaar bad ka syrnot na u Rangbah shnong bad ka Bank Akkount.
Katkum ka khana samari ka Jylla Meghalaya ka don 7.5 lak ki tnum iing bad 4700 tylli ki shnong,katkum ki jingkhein kiba la pyndonkam ban shet jingshet da ki tyndong lyer ki long 6.11lak tylli ki tnum iing hynrei kumba ka paw kiba pyndonkam tikna ia ka gas ban shet jingshet ki long tang 5.3 lak tylli ki tnum iing bad kane ka la pynlong ba ka jylla Meghalaya kan long kaba duna tam ha ka Ri India ban pyndonkam ia ka gas na ka bynta ka shet ka tiew ha ki iing ki sem.
Ki ophisar kiba la kren ka dei ka Saloni Verma IAS director ka tnad sam bam ,U Amar Jyoti Bordoloi Chief General LPG Indian Oil,U Supritam Bhattacharjee Executive Director bad kiwei kiwei,u President Meghalaya Indane Distributor Association U bah R.L Blah ruh u la ia don lang ha kane ka sngi.
