Shillong, Nailur 11: Ka National People’s Youth Front (NPYF) lyngba u President jongka u bah Kitboklang Nongrem ki la kitbok kitrwiang ia u State President ka NPP u badei ruh u Symbud Myntri Rangbah ka Jylla Bah Prestone Tynsong ba un ioh noh ia ka jingkoit bad ban nang iohbor bad nang khlain noh.
Ha ka jingiakren bad ki nongthoh khubor u Bah Kitborlang Nongrem u la pyntip ba u Bah Prestone ula kham iohbor hadien ba ula ioh ia ka jingsumar. Ki Nongialam ka NPP baroh ki kitbok ba un ioh noh ia ka jingkoit jingkhiah kaba pura.
U Bah Kitborlang ula pynpaw ruh ia ka jingsngewsih halor ki jingkynthoh khlem akor ba palat pud hapoh ki comments section jong ki social media, kaba ktah ia ki bahaiing hasem bad watia ka longbriew man briew. U la ongruh ba wat u nongshun ruh un tip bad don ka jingsngew bad um tim satia ia uba pang ba shitom.
Kum ban shu pynkymaw ba u Bah Prestone ula poi thiah hospital ha ka sngi Nyngkong hapoh ka Nazareth Hospital hadien ka jingkiew kysan ka Blood Pressure.
Hadien ba ula nang iohbor bad nang hiar ka BP, ia u Bah Prestone la pynkynriah noh hynne ka sngi Balang sha Delhi ba un ioh ia ki jingsumar ba kham paka na ki hospital ba pawnam jong kane ka Nongbah ka Ri.
