Shillong, Nailur 09: Mynta ka sngi ka seng Hynnietrep Youth Council (HYC) ka shnat Sohiong kala leit ban ujor sha u Chief Engineer ka National Highway ba ki Delineator kiba dei ban don ha surok Shillong sha Nongstoin kim don shuh, ha ki bynta na Sadew sha Mawmaram.
Haba kren ha ki lat pathai khubor ha dien ka jingakynduh ia u Chief Engineer u bah Purningstar Shabong President ka HYC ka shnat Sohiong u la ong ba na ka liang jong u Chief Engineer ka National Highway u la iathuh ba kin sa khot tender noh ban buh iang ia ki Delineator.
Ka tnad shna surok kala buh ia kine ki Delineator ha u snem 2024 hynrei tang hapoh shitaiew la weng noh ia ki kum ka seng ka sngewlyngoh namar kam pat juh jia ba ia kano kano ka jingtrei jong ka sorkar hapoh shitaiew pat yn weng noh, kum seng ka mut da don ka jingshna bakla hynrei haduh mynta la shuieh kumto.
Dei halor kane ka kum ka seng mynta kam banse ban wan ai da ka jingthoh sha ka ophis Chief Engineer ka National Nightway bad ka jingtip kaba ki ioh ka long ba ka jingjah jong ki Delineator dei na ka jingpynher sted kikali bad ka jingtyngkhuh kali bad kane kala pynlyngoh iaka seng.
Katkum ka jingmang pisa ban shna ia kine ki Delineator ka long T.19/- lak tyngka hynrei kaba lyngngoh ka long ba ia ki kot ki sla la ai tang kawei bad kaba la pyntrei kamlong tang T.10 lak tyngka ka seng kan bud dien ia kane ka kam.
