Shillong, Nailur 19: Ka Meghalaya Cricket Association kala jied ia ka thup ïa 25 ngut ki player ban ïaid lyngba ka selection trial ba khatduh bad ka jingpynkhreh jong ka kynhun Meghalaya ka ban ïashim bynta ha ka lympung Senior Women T20 Trophy jong ka BCCI 2024-25.
Kane ka prokram pynkhreh trial camp ka ban long ha Shillong naduh ka 23 tarik Nailur 2024 ha MCA Ground kaba ha Polo. Ka MCA ka la khmih bñiah ïa ki player kiba la ïashimbynta ha ka jingïalehkai selection trial jong ka kynhun rangbah bad U-23 Women’s ba la pynlong ha Jagiroad, Assam, ha u Jylliew bad Naitung ki ban mih kyrteng ha ka thup ki 25 ngut.
Ha ka kyrwoh ba la phah da ka MCA la pyntip ba ki player ki dei ban wanpoi ha Shillong ha ka 22 tarik Nailur, bad ka por na ka bynta ka sngi ba nyngkong jong ka trial camp ka long naduh 8:30 baje mynstep.
Ka thup ki player ki long ka Riticia Nongbet, Luiza Tamang, Debasmita Dutta, Suruti Kumari Ray, Daiaka Warjri, Ritreki Pohshna, Solina Jaba, Deiphibapynshngain L Mawnai, Ruby Chettri, Ankita Sharma, Ribanjanai Mynsong.
Neelam Roy, Neha Hajong, Indariakor Kharwanniang, Monica L Phawa, Rebeldalis Syiemlieh, Anchal Singh, Ajima Sangma, Sara Daffica Kharbani, Dubleen Nengnong, Sistilin Ryntathiang, Evanrilin S Syiem, Monicable Marbaniang, Fullnessy Mawlong, Kamchira Marak
Kiba ia leit lang ha kane ka kynhun jingialehkai ki long ka Deepali C Patkar (Head Coach), Mackie D Blah (Assistant Coach), Wandashisha Dkhar (Physio), Darishesha Mawroh (Trainer)
