Shillong, Nailur 24: Ka Smat Road kaba la pyntrei da ka PWD ha Lawer Lachumier kala ktah mationg ia kiba bun balang namar khlem pyndep ia ka kumba la thmu bad kane kala buh ia ki paidbah ha ka jingeh ha ka leit ka wan.
Kane ka surok ka sdang na khmat ka ophis jong ka MPSC bad ka mih sha khmat ka ophis ka tnad khlaw, ka jingtrei kala sah kut mynta la jan ar snem bad ha dien ba ka sorkar kala rai ban pyndam noh ia ki Smar Road mynta kala sdang ban shna pynbha ia kane ka surok kaba ki kali kim lah shuh ban iaid.
Mynta la lai sngi la iohi ba ki nongtrei kila sdang ban trei bad ha khmat ka ophis jong ka MPSC la sdang ban siang dewbilat ha ki jaka balait bad ha kaba kut shuwa ban iasoh bad ka surok kaba khlem pat dep la sdang ban trei mynta ar sngi.
Kane ka Smar Road kala long ka jinglehrain ha khmat ki paidbah nongshong shnong kane ka nongbah Shillong namar kane ka jingtrei kaba la pulom khlem lah ban pyntrei kam kum kaba la thmu haba shna ia kane ka surok .
