Shillong, Nailur 20: Ka seng samla pule ka Jaintia Student’s Union mynta ka sngi kala ioh bat ia kawei ka kali kaba don ia u number ML 04 E 3485 ha Demithring bad la ioh ban bat lai ngut kiba la suba ki dei ki khar Bangladesh.
Haba ki dkhot ka seng kila tohkit kila phla ba ki dei ki khar Bangladesh ia kine ki briew la kit ha ka kali kaba la niah da u Treobor Ktbdait na ka shnong Shkenpyrsit. Ki dkhot ka seng kila iati noh sha ki pulit ka Jowai Police Station ban leh ia kaba don kam katkum ka ain.
Ki nongialam ka KSU kila Kam ba kila shah tyrwa pisa palat lak tyngka ban pynlait ia ki hynrei na ka liang ka seng kala ai da ka ejahar bad ka seng ka kwah ban iohi ba kito kiba don kti ban leh ia ki kam beain kin sah pynshitom katkum ka ain.
Haba ia dei bad kane ka seng ka dawa ba dei ban don ka jingtohkit ban lap ia ki jingshisha ba mano ba don kti sha lyndet ban pynrung ia ki khar Bangladesh sha kane ka jylla long ong u samla Bocheru Mi Pohsnem education secretary, JSU Central Body bad nongaibuid ka shnat Jowai ka JSU.
