Shillong, Risaw 5: U myntri ranbah ka jylla u Conrad K Sangma mynta ka sngi u la khot ia ka jingilang ban peit bniah ia ka jingshah lynshop ha ka mariang na ka daw jong ka jingjur jong u slap, ha kaba 10 ngut ki briew kila iap ha Garo Hills
Ha kane ka jinglynshop ka mariang ki district kiba la shah ktah eh ka dei ka South Garo Hills District bad ka West Garo Hills District, khamtam ki bynta jong ka Gasuapara bad Dalu kiba la shah ktah palat.
U mynta rangbah la ong ba 3 ngut ki briew kila khlad ha Dalu bad 7 ngut ki briew kila khlad ha Gasuapara ha ka jingtwa khyndew, na ka liang u myntri rangbah ka jylla u la bthah ia ki bor jong ki District ban pynlait ia ka pisa ban iarap sha kito ki long iing ba khlad.
Ka khynhun NRDF kaba don ha katei ka jaka ki dang ialeh kumno ban ioh sei ia ki met kiba shah ban ha ka khyndew, la bthah ia ki bor District ban peit bad maramot ia ki surok kila shah shah pynjulor ha ka mariang khatam ha kito ki jaka ba ka um kala rong noh ia ki jingkieng.
La bthah ia ki Deputy Commissioner jong kito ki District kiba la shah ktah ban pan pisa shuh na ka sorkar ban iarap ia ki briew kiba la ngat ha kane ka jingshah pynjulor ha ka mariang bad ha ka juh ka por ba kin long kiba peitngor.
