Shillong, Risaw 09: Ki nonghikai SSA ha ka shatri jong ka AMSSATA mynta ka sngi kila leit ban ai da ka jingthoh sha u Lat ka jylla u Chandrashekhar C Vijayashankar ban kyntu ban tuklar lem na ka bynta ban kyntiew ia ka tulop jong ki nonghikai SSA.
Ha ka shithi kaba la ai sha u Lat ka jylla ia kaba la soi da u President Peter Thyrniang bad u Secretary u bah Wanpyndap Hi Lapang kila kdew ba ka sorkar Meghalaya naduh u snem 2016 haduh mynta la phra snem kam pat pynkiew ia ka tulop.
Ka seng AMSSATA kala dep ban ai da ka jingthoh sha ka sorkar jylla ba ka kwah ba ka sorkar ka dei ban pyn pynkiew 100% ia ka tulop jong ki nonghikia SSA kiba don 12000 tam ha ka jylla.
Ki nonghikai kila pylong ia kane ka jingiakhih shongkyllain mungor ha Madan Malki kaba kila sdang naduh ka 1/Risaw /2024 haduh mynta ka sngi kata la khyndai sngi ia kaba ka sorkar kam pyntrei kam.
Ha kane ka sngi ki nongialam ka AMSSATA kila ioh ban ia kynduh ia u myntri ka tnad shangsuwari u bah Paul Lyngdoh bad ha kane ka jingiakren u la kular ban un sa rah ia ka jingtip sha u myntri ka tnad Pule bad kin sa ia kren ha ka Kabinet, ki nongialam ka seng ki dang bteng ia ka jingiakhih haduh ba kin da ioh ia ka jingthoh na ka sorkar.
