Shillong, Risaw 28: Mynta ka sangi ka long All Meghalaya SSA School Association (AMSSASA) kala ia kynduh ia u myntri rangbah ka jylla ban ai khublei ia u ba ka sorkar kala pdiang ia ka rai ban pynjlan ia ka erta thung kam ia ki nonghikai SSA na ka 37 snem sha ka 45.
U Bah Aristotle Rymbai u la ong ka kane ka jingpynjlan ka sorkar ka long ban ailad ia ki nonghikai SSA ban apply ia ki kam sorkar ha ki kam hikai ha ki LP, UP skul bad kim juh ha ki Higher Secondary skul, hya kane ka jingiakynduh kila ia kren ruh ia ki katto katne ki bynta bala ai jingmut da ka tand pule puthi.
Kane ka long ba ka dei ban wanrah ia ka polisi na ka bynta ka kam ba ki nonghikai kin ioh ia ka jingsngtewshiang ha ka kam hikai kaba ki trei ha kane ka jylla Meghalaya, u myntri rangbah ka jylla la ong ba ka sorkar ka la kit jingmut ban pynbeit ha ki kam hikai.
La iathuh ba shen ka sorkar kan sa khot ia ka jingialang ban dang iai bteng shuh shuh ia ka jingiakren ha kane ka bynta shuwa ba ka sorkar kan sa shim ia ka rai ha kaba ia dei bad ki kam hikai, la ong ba kane ka jingiakren ka long kaba sei soh.
Ki don ka jingkyrmen ba ha kine ki khyndait sngi ka sorkar kan sa wanrah ia ka jingmynjur ba ai ka jingshngian ha ka kam ka jam ia ki nonghikai kumba la leh ha kiwei kiwei ki jylla jogn ka Ri India, ka seng ka ai khublei ia baroh ki myntri kabinet kiba la ai ka jingkyrshan ha ka jingialang kaba la long ha ka 23/Risaw/2024 ha Resubelpara.
