Shillong, Naiwieng 30: Ka jingiakhih shah thngan ki samla pule Post Graduate ha ka jaka pule “North Eastern Institute of Ayurveda and Homoeopathy” kala kot sha ka sngi kaba san mynta ka sngi bad na ki phra ngut kiba shah thngan kawei na ki kala shitom bad la pynkitnoh noh sha NEIGRIMHS.
Ka jingiakhih ki smala pule kiba dei ha ka kyrdan pule Post Graduate, ka long ba ki khlem ioh ia ka bai bam jong ki mynta la shisme lynter kiba dei na ka kynhun pule kaba nyngkong ha ka kyrdan PG, ka ar ka long ba ka NEIAH kam pat ioh ia ka jingithuh na ka skul bah NEHU bad kaba lai kam don ki nongbtin ha ka jingpule.
U samla Bransing Nongbsap organising Secretary jong ka KSU shnat NEIAH haba kren ha u SP News Agency la ong ba ki nongpyniaid kane ka jaka pule kim shym la shim khia ia kane ka jingeh jong ki samla pule ha kane ka jaka hikai namar ki ong sa leh hynrei ki khlem leh haduh mynta.
Ka long kaba sngewsih ban iohi ba kane ka jaka pule kam don ia u Director ia kane ka jaka pule ka pyniaid da u director ba shu peit ia ka bad kam don kata ka jingshim khia ha kaba ia dei bad ki samla pule, la iathuh ba na ka liang jong ka tnad ka koit ka khiah ruh kim shym la shim khia namar wat la ka don ka Ambulance hynrei por pynkit ia kiba pang la pynkit da kali riew shimet.
Kumba ka logn haduh mynta ka hospital kam shim khia ei ei ruh em, namar ha kiwei ki jaka pule ka jingpule ha ka bynta kaba ar haduh mynta ki pat sdang kan long kaba eh ban ioh sdang mynta namar kim pat ioh ia ka jingithuh na ka skul bah NEHU.
