Shillong, Nohprah 14: Ki shipai BSF kila ioh ban kem hynniew ngut ki khar Bangladesh na Rattacherra kaba hap ha East Jaintia Hills District, kine ki khar Bangladesh kila rung na Bangladesh sha India, ia kine la ioh ban kem da ki BSF kiba dei na ka kynhun 171 Bn ka Meghalaya Frontier.
Ha ka jingtohkit jong ki shipai BSF, kitei ki hynniew ngut kila phla ba ki dong ki briew na Bangladesh kiba pynrung ia ki sha India ha kaba kila siew 7000 Taka ka pisa Bangladesh kaba mut 1000 Taka marwei bad kine kila kular ban pynioh ia ka jingsumar ha Kolkatta ia ki ar ngu tki briew ia u Mohammed Shahjahan, 55 snem bad ia ka samla Aarifa, 20 snem.
Kine kiba la shah kem kidei na ka shnong Khulna jong ka ri Bangladesh, kine ki mut ban leit sha Kolkatta lyngba ka shnong Dona Skur ha EJH District bad kin leit da ka rel sha Kolkatta lyngba ka Badarpur railway station na Assam sha Kolkata.
Ki BSF kiba la ioh ia kine ki briew kila kem bad ha dien ka jingtohkit baroh naka liang jong ki BSF kila pynphai noh ia kitei ki briew sha ka Bangladesh da kaba aiti ia ki sha ki Bangladesh Border Guard, ki shipai kiba ap pahara ha khappud, ia ki la pynphai ka Flag Meeting.
