Shillong, Nohprah 18: u Bah Sambormi Lyngdoh President ka seng Jaiñtia National Council JNC ka la dawa naka JHADC ban pynshai paidbah halor ka jingaiti jong ka ban pyniaid iaki khyrdop jong ka tnad khlaw da ki riew shimet.
Ka seng kum shi bynta ka Save Jaiñtia Mission(SJM) kaba dang shu dep pynbna Paidbah haka 14 Tarik December 2024 ha kawei naki mat jong ka ban pynkhlaiñ iaka JHADC mynta ka step naki lad wad jingtip jong ka ka lah ioh jingtip ba ka JHADC ka la aiti ban pyniaid noh iaki khyrdop ka tnad khlaw sha ki riew shimet kum ka jingpyrshang.
U President ka seng u la kam ba u la pyntikna ia kane ka khubor ka la ioh ban iakren bad u EM ba deipeit ia ka tnad khlaw u bah Lasky Rymbai bad la iathuh ba ka daw ba pynlong ban aiti noh sha ki riew shimet ban pyniaid iakine ki khyrdop la kynnoh ba don bamsap ha ki khyrdop.
La ong ba jingioh jinglum na kine ki khyrdop ruh ka duna bha, bad ka jingthmu hi ka long ban ia nujor haduh katno ka jingiapher jong ka jingioh jinglum nakita ki khyrdop la ong u EM ka JHADC, la kam u tei u president ka seng JNC.
Ka seng ka pynpaw iaka jingpyrshah kaba jur iaka jingleh u EM bad u CEM ka JHADC halor katei ka bynta bad la ong ruh ba lada ka JHADC ka shem ba ka jingioh lum nakine ki gate kalong ka bym biang kadei ban thung noh daka jingtohkit bad lada ki ophisar ne ki nongtrei Kim long kiba bit lah dei ban bujli noh da kiwei.
U President ka JNC u la ong ban shu aiti noh sha kiwei ki riew shimet ban pyniaid iaka kam imat ka don aiu re aiu sha lyndet bad ka seng ka buh ruh ka jingkylli ba haduh katno tam ba kine ki riew shimet kin trei hok iaka kam ka seng ka suba jur ba kane ka jingleh ka JHADC ka long tang ban pynmyntoi ialade ne iakita ki riew shimet namar ba lah jan ka election.
Ka seng Kan nym shong kli kti bad Kan sa buddien iakane bad yn sa wad bniah ruh iakine ki check gate bad ka jingioh jinglum Jong ki haduh katno bad kumno la pyntreikam iaki, pynkut u President ka JNC bah Sambormi Lyngdoh.
