Shillong, Lber 14: Ka Synjuk ki nongniah Taxi Sor bad Khap sor kala pynlong ia ka jingialang ban jied pynthymmai ia ki nongkitkam ka samoi treikam 2025-2028 mynta ka sngi ha ka jingialang ba la long ha iing dorbar jong ka shnong Nongmensong ha Shillong.
Ki nongkitkam ba la shah jied thymmai jong u snem 2025-2028 ki kynthup ia u bah Kmenlang Khonglah kum u President, u bah Wilbert Rynjah kum u Vice president, u bah Denzil Nongkynrieh kum u General Secretary, u bah Pynsuk Youroi kum u Asst, Secretary.
U bah Shimlad Rynjah bad u bah Rocus kum ki Working President, u bah Wilson Wahlang kum u Publicity Secretary, u bah B L Nongrang kum u Aast Publicity Secretary, u bah James L Dahkhrut kum u Organizing Secretary, u bah Phrangangi K Mawlong kum u Asst Organizing, u bah Banphira Pamin kum u Treasurer bad kiwei kiwei de.
U President ba la shah jied thymmai jong ka kynhun ki nongniah kali kamai taxi ba hap hapoh ka shatri jong ka synjuk ki nongniah taxi sor bad khapsor u bah Kmenlang Khonglah u la ong, ba bun ki nongniah taxi ki buaid ha kapor ba kamai kane ka ba don jingma ia ki paidbah ba shong.
U la ong, ym ba u khang ban dih kyiad, hynrei kiar ban dih ha kapor ba dang ia kamai kali ban lait na kano kano ka ba sniew. Kum ki nongniah kali kamai ngi hap sngewthuh ia kata ban jngai na kaba sniew.
U la kyntu ruh ia ki paralok ba niah kali kamai ban kren don akor donburom haba iakrenia khana ia ki nongshong kali ha kaba ia pynbeit ka dor ka mor bad kumta ter ter.
