Shillong, Nohprah 12: U heh duh jong ka tand shipai suin jong ka Ri India u N.
A.K Browne u la ong ba ka Ri India kam dei shuh kumba ka long ha u snem 1962, mynta ka long kaba la kreh bad ka long kaba la ia ryngkat bor ban ia kynduh ia kino kuno ki jingma kiba ap ia ka Ri.
Haba kren ha ki nongthoh khubor ha Upper Shillong ha ka jingleh burom ia u shuwa bay n shong thiat ha ka 31 tarik mynta u bnai u ne u heh duh jong ki shipai suin jong ka Ri India u la ong haba pynkhreh ia lade kam mut ban thew kyrpang tang ia kano kano ka ri hynrei ka long kyllum lang.
Kumba ka long mynta na ka liang jong ka kynhun shipai suin ki dang ia leh katba lah ban wanrah ia ka jingkylla ha ka rukom trei kam katkum kane ka juk kaba mynta bad kumba ka long ka Ri India ka long kaba la kreh ban ia kynduh ia kino kino ki jingeh.
Haba ia dei bad ka dong shatei lam mih ngi, u tei u heh shipai suin u la ong ba kane ka dong ka thain ka long kaba kyrpang namar ki don bun ki ri kiba mar jan, hynrei ia kaei kaba ki leh yn lah ban iathuh paidbah.
Haba ia dei bad ki radar ha kane ka thain u la ong bay n kwah ban kren ei ei hynrei ki sngewthuh kumno ban pynbha ia ki katkum ka jingdon kam jong ki jaka. Kumba ka long mynta ka tand shipai suin ka long kaba la bit la biang na dong shading ha baroh ki liang.
Ka jingwan ka jong u ha kane ka nongbah Shillong ka long ban wan ban ia shim bynta ha ka jingialang jong ki heh shipai kane ka thain bad ha ka juh ka por ba ki shipai suin kane ka thain ki ai ia u ka salute namar bay n sa shong thait na ka kam ha ka 31 tarik mynta u bnai.(SP News)
