Shillong, Nohprah 16: Ka seng kieng atiar ANVC(B) kala kynnoh bad ka seng ANVC ka dang thwet ia ki nongialam jong kane ka kynhun kiba la ia paid bad ia kane la iohi shai kdar ha ka sngi ba ka kut ka jingleh kmehn AHAIA ha kaba ki dkhot jong ka ANVC kila pyrshang ban ker kut ia ki nongialam ka ANVC(B) ha madan t Chandmary katba ki dang leit ban phah pisa lyngba ka ATM.
Kane ka long katkum ka khubor kaba la pynlait da katei ka seng mynta ka sngi, ha katei ka sngi kitei ki dkhot jong ka ANVC ki la leit da ka sumo kaba don ia u number ML08 3834 lem bad ka kawei ka kali Scorpio hynrei ki dkhot ki la ioh ban mih noh na katei ka jaka.
La kynnoh ba ka ANVC ka la pyndon kam da ki kynhun jong kiba dang shu pynrung thymmai khnang ba ki nongialam jong ka ANVC(B) kin nym ithuh ia ki. Na ka liang jong ka ANVC(B) ka ong ba ka ANVC ka dei ban sngeh ia kine ki jingleh ki jong ka khnang ba kan nym mih kano kano ka jingiaumsnam.
Ki nongialam jong ka seng ANVC(B) ki la ong ba bun sien ki la shu sngap ia kaei kaba ki nongialam jong ka seng ANVC ki leh, ka ANVC ka dei ban sngeh noh ia ka jingpynma ia kiba ha iing ha sem jong ki dkhot kiba don hapoh jong ka ANVC(B).
Na ka liang jong ka ANVC(B) ka ong ba ka jingleit pyndem jong u Gideon ia u ba la tip kum u Jangsan ha khmat jong ki pulit kan long ka jingkyrkhu ia ki paidbah jong ka Garo Hills. Na ka liang jong ka ANVC(B) ka ong ba ka sorkar kam dei ban ai tiar siat ia u tei u briew u la la pyndem wait.
Ka sorkar kam dei ban ai tair siat ia kine ki birew kiba la leit ban pyndem lada ki tioh tiar ban kieng ha ka met ka jong kin sa long ki nongdawa pisa ha ka surok bah HN-62 bad kane kan long ka jingeh ia ki paidbah.(SP News)
