Shillong, Jylliew 04: Ka jingialang jong ka Kabinet kaba la long mynta ka sngi kala shim ia ka rai ban thied jaka shuh sa 11.75 akar ban pyneh ia ka kad lieng suin ha Umroi na ka bynta ban lah ban hiar ki lieng suin kiba kham heh.
Ka sorkar kala thaw ia ka kommittee kaba la khlieh da Deputy Commissioner kaba la ia kren bad ki briew ha katei ka jaka ban ia buh ia ka dor ha ka jingsiew kaba iapher kawei na kawei, ha dien ka jingiakren kaba bniah la shem ba ka jinglut ban thied jaka kan long T.72.17 klur tyngka na ka bynta ban siew ban pynjrong shuh ia ka jaka hiar bad her ki lieng suin.
Ha kane ka jingialang ka kabinet kala pdiang ruh ia ka jingpynkylla kaba la wan rah ha kaba ia ei bad ka Meghalaya Heritage Act, 2012, la leh ia kane ban duh lah ban sha ka UNESO ba ia ki jingkieng jri kiba im ban dei ban ithuh noh kum ki jaka pynneh sah nam jong u men barim ha ka jylla.
Ha kane ka jingpynkylla la tyrwa ban pynlait ia ki jaka ba don ki jingtei nam u men barom ban thied jaka bad kane kan nym ktah ia ka jinglong kyrpang kaba kum ka jaidbynriew ka don ia ka rukombat khyndew bat shyiap, ka jingia don lang ki nongkit kam hima shnong ka dei ban wan na ki trai shnong ha ki kyrdan kiba pher bapher.
