Shillong, Jylliew 11: U bah Vivek Syiem Superintendent ki pulit ka East Khasi Hills District u la pyntip ba na ka daw ba dang shna ia ka jingkieng Umshyrpi la hap ban khang ia ka jingiaid ki kali ha kane ka surok na ka bynta saw sngi.
Kane ka jingkhang iaid ia ki kali kan long naduh ka 12 haduh ka 15/Jylliew/2025 naduh ka por 10.00 baje mynstep haduh ka por 5.00 jan miet, hynrei ia ki kali kiba don ha ka saw ka sian (Emergency) yn shah bad ban iarap ruh ba kin iaid ha kitei ki por ba khang.
Ki kali kiba wan na shatei ban hiar Upper Shillong, sha Umshyrpi yn phah iaid noh na san mer sha Upper Shillong sha Pomlakrai,Laitkor, Madanriting sha Laitumkhrah bad kin sa leit sha kaba ki leit ban don kam.
Ki kali ba mih na sor Shillong, kum na Lumdingjri bad jaka ieng ki kali Sohra ba mut leit sha Upper Shillong lyngba ka jingkieng Umshyrpi ki hap ban iaid lyngba ka Laitumkhrah, Madanriting, Laitkor, Pomlakrai sha san mer Upper Shillong.
