Shillong, Nohprah 23: ka pakhang shnong kaba 12 kynta kaba la khot da ka seng HNLC mynta ka sngi 
ka la iaid beit khlem kano kano ka jingjia kaba sngewsih.
Ha ka por mynstep ki paidbah nongshong iew ki la kulmar jingmud ha kaba ia dei bad kane ka jingkhot pakhang shnong la kin plie ne em ia ki dukan jong ki namar ki dang duna kiba iaid ba ieng.
Na ka liang jong ki bor sorkar ki la ong ia ki paidbah bakin dei ban sngap ia ka jingkhot pakhang shnong ka seng HNLC bad ki dei ban plie ia ki iew bad ia ki dukan ki jong ki. Kumba ka long wat la ki paidbah na kane ka nongbah Shillong kila pynkhein ia kane ka pakhang shnong jong ka seng HNLC hynrei ka jingbym poi jong ki nongkyndong ka la ktah ia ka iew ka hat.
Ha iewduh kaba dei ka iew ba heh haduh ha kane ka jylla Meghalaya bun na ki dukan ki khang bad ki jaka die lang kiba don saw dong jong ka ruh ki khang namar kim tip shuh kumno ban leh.
Na ka liang jong ki bor sorkar ki la pynbiang ia ki pulit kiba ap pahara ha kyllengjong kane ka nongbah Shillong bad ban peit ba kan nym mih kano kano ka jingjia ba sngewsih
Ki nongniah taxki kim shym la sngap ia kane ka jingkhot pakhang shnong jong ka seng HNLC ki la sei ia ki kali jong ki bad kamai kumba ki juh long man ka sngi.(SP News)
