Shillong, Kyllalyngkot 16: Ka kynhun ialehkai karate kaba 68 ngut ka All Meghalaya Karate Do Association, ki la mih na la iing mynta ka sngi ban leit ban iashim bynta sha ka 43rd JKA India National Programme bad ha kane ka kynti, ki jingiakhun kin long ka 43rd JKA India National Karate Championship bad Camp 2026, bud sa ka 13th JKA India Veteran Tournament 2026, and 18th JKA India Kyu Level Tournament 2026, kaban long naduh ka 16 haduh ka 20 tarik mynta u bnai Kyllalyngkot, ha Maligaon, Assam.
Ia kane ka kynhun yn ialam ia ki da u bah Banshanlang Kharumnuid, bah Donboklang Lyngdoh, Bah Greater E. M. Kharpuri, u Arjun Sewa, bad Sharai Nongneng Shanpru.
Napdeng kine ki nongiashim bynta, 26 ngut na kine kin iadon bynta ha ka prokram ia kilan ne ka training priograme ban wan ban ai jinghikai da u Shihan T. Taniyama, 7th Dan, JKA Headquarters Instructor, na Japan.
Nalor klatta u bah Banshanlang Kharumnuid ryngkat u bah Donboklang Lyngdoh kiba long ki nonghikai karate ba la Rangbah ha ka kam kin kiew rynsan ba kin aireng ha ka 13th JKA India Veteran Tournament 2026.
Haba iadei bad kane, na ka liang ka AMKA ka phah ia ka kyrwoh kitbok ia kane ka kynhun bad hynne ka sngi, shwa ba kane ka kynhun kan mih nala iing, u Sercretary u jong ka u bah Ksan Warjri, da lade u la hiar sha SRGT Parking Lot Polo ban kitbok ia kane ka kynhun bad kyrmen ba ka jingleit iashim bynta ka kynhun kin wanrah ia ka nam bad burom ia ka synjuk bad ia ka jylla hi baroh kawei.
