Ka jingpan RTI ba bei pisa ka sorkar ia ki ‘Gospel Concert’ kam shimet u Bernard

Shillong, Naiwieng 22: Ka party BJP kala kyntait war ia ka jingleh jong u Bernard N Marak MDC na Tura ia ka jingpan RTI ka jong u ha kaba ia dei bad ka jingbei pisa ka sorkar ia ki ‘Gospel Concert jong ki niam, na ka party kala ong ba ka dei ka kam shimet jong u.

Na ka liang jong ka BJP kala ong ba kane ka jingpan RTI da u tei MDC ka dei ka kam jong u shimet namar khlem kynjohktien ia ka party haba ia dei bad kane ka jingpan ia ka RTI.

Na ka liang jong ka party ka pynpaw ia ka jingsngewsih ban ioh ba u riew shimet ymkam ba la leh da ka party bad kane ka long ka jingtam ia ka party baroh kawei bad kan ialam bakla na ka daw ka jingleh jong u shimet.

Ka party BJP ha kane ka jylla Meghalaya ka sngi ha ka jingiatreilang bad kaei kaei kaba ki leh ka dei ban long kaba bha na ka bynta ki paidbah bad kum ka party ka burom ia ka jingsngew jong ki balang bad kwah ban don ka shong suk ha pdeng ki para nongshong ha ka jylla.

Ka party BJP ka kren shai ba ka jingleh jong u Bernard ka dei ka kam jong u shimet ia kaba ka party ka khlem ai jingmynjur bad kum ka pary ka don ia ka thong ban ai ka jingshakri ia ki paidbah bad ka bat ia ka burom ban ban ia burom mar kylliang, la ong u bah Wankitbok Pohshna State General Secretary.

 

What Next?

Recent Articles

Leave a Reply

Submit Comment

*