Shillong, Kyllalyngkot 16: ka State Executive Committee (SEC) jong ka seng National People’s Party (NPP) kala shim ia ka rai ba kan nym pynieng kyrtong ha kane ka MP election ka ban wan na ka 2-Shillong Parliamentary Seat. Kane ka rai la shim ban ia treilang bad kiwei ki seng ban pynieng tang u wei u kyrtong ban pynrem ia u kyrtong ka seng Congress.
Haba kren ha ki nognthoh khubor u president jong ka NPP u Purno A Sangma, u la ong ba ia mynta kin ia khun ia ka MP election tang na Tura ha kane ka jylla Meghalaya, bad mynta ki dang pan jingmud na ki nongkyrshan jong ka party manob an long u kyrtong ha kane ka election.
U Purno u la ong ba kane ka election 2014 kan don ka jingkylla ha ka sorkar ha Delhi bad kane kan wanrah ruh ia ka jingkylla ha kane ka dong shatei lam mih ngi jong ka Ri India. Ka jingshah rem jong ka NPP ha ka election MLA kaba la dep ka dei na ka daw jong ka jingpyndon kam kiwei ki seng da ka pisa bad ia ki kam runar la kynnoh u tei u nongialam ka NPP.
La ong ba ka NPP kan ia khun ha ki lai ar tylli ki District Council ha JHADC bad KHADC bad ka jingjied ia ki kyrong ka dang iaid mynta sha khmat bad kane kan long da ka jingiasngewthuh jingmud lang bad ka kynhun MPF khamtam ka party UDP.(SP News)
