Shillong Rymphang 13 : Mynta ka sngi u nongialam ka BJP u Devesh Kumar ula wan sha Shillong ban pynshai paidbah haba iadei bad ka mang tyngka jong u snem 2026- 2027 haba iadei bad ka jylla Meghalaya bad kumjuh ia ka dong shatei lam mihngi baroh kawei kaba la mang na ka bynta ki skhim bapher bapher khamtam ha kaba iadei bad ki lynti synkien.
Haba kren ha ki lad pathai khubor ha ophis jong ka party BJP ula ong ba bun ki jingmyntoi ki paidbah ki la ioh na ki skhim bapher bapher jong ka sorkar pdeng bad ka sorkar mynta ka dang ialeh ban pynpoi shuh shuh ia ki skhim sha ki paidbah nongshong shnong.
U kyntu ia ki paidbah khamtam kiba wan na ki nongkyndong ba kin apply ia ki skhim bapher bapher kiba don khlem da don kano kano ka jingleh shiliang khmat u la ong ba u myntri rangbah duh jong ka Ri India u kham phai khmat eh ban pyndonkam ia ki kor ki bor ban ai ki jingiarap ba kin poi beit sha ki nongioh.
Na ka liang u nongialam ka BJP u la ong ba ka jinglait nangne nangtai un nym lah ban pynduh hynrei da kaba pyndonkam ia ki kor ki bor jong kane ka juk kaba mynta kala iarap shibun ia ka jinglait tuh ki skhim bad ka sorkar pdeng kala buh ia ka thong ba ha u snem 2047 ka Ri India kan dei ka ri kaba la kiew ha baroh ki liang.
Ka Shazia Ilmi ka la ong ba ka thain shatei lam mihngi jong ka Ri India kala noh synniang sha ka ioh ka kot jong ka ri da lai persen bad ha kine ki shiphew snem kane ka dong ka thain ka la sdang kiew hajan ha baroh ki liang, bad u dak bapaw haba iadei bad ka roi ka par ula sdang paw shynna ha ki 85 tylli ki district ha kane ka thain khamtam ha ka liang ki surok ki jingkieng.
