Shillong, Lber 04: U myntri ba dei peit ia ka tnad ka kit ka bah ka sorkar Meghalaya u Brening A Sangma u la pan pisa na ka iing dorbar T.48,60,000/- lak tyngka ban siew ia ka bai bylla sngi kiba trei hapoh ka tei ka tnad sorkar.
Ki nongtrei kiba ka dei ban siew ka long ia ki Enforcement Inspector bad ia ki Enforcement Checkers kiba dei ha ka ophis jong u Commissioner Transport Shillong, ia kane ka pisa la pynlait da ka iing dorkar thawain ka jylla ha kane ka dorbar mang tyngka kaba la dep.
Ha ka juh ka por u myntri u la pan pisa na ka iing dorbar ar klur ban siew ia ka tulop jong ki nongtrei ka Meghalaya Transport department, ka iing dorbar thawain ka jylla ia kane ka pisa ruh kala pynlait ha kane ka dorbar mang tyngka kaba dang shudep.
