Shillong, Lber 08: Ka jingthep kyrteng ki kyrtong ban ia khun ia ka elekshon MDC sha ka iing dorbar jong ka Garo Hills Autonomous District Council (GHADC) kan sdang la shai ka sngi ka 9/3/2026 bad kan kut ha ka 16/3/2026 bad ka sngi thep vote kan long ha ka 10/Iaiong/2026.
U Deputy Commissioner jong ka West Garo Hills District, la pynbna paidbah ba hapoh ka 100 meter na ka jaka ban thep kyrteng ban ia khun ia ka MDC elekshon la shah ban rung tang kawei ka kali kiba wan ban thep kyrteng kata naduh ka 9 Tarik haduh ka 16 Tarik mynta u bnai Lber 2026.
La bthah ba ha ka kamram jong u ophisar ban pdiang ia ki kot thep kyrteng la shah ban rung tang saw, kito ki long u kyrteng, u nongtyrwa ia u kyrtong, u synrop kyrtong bad u Muktiar la shah tang ia kine ba kin rung ha ka por bat hep kyrteng.
Ha ka juh ka por ba hapoh ka 100 meter sawdong ka DC ophis la khang ban ba ia lumbriew palat ia ka san ngut, ha kajuh ka por la pynjari ia ka kyndon kaba 189 jong ka BNS, da kane la ai bor ia Magistrate bad ia ki pulit dei ban long ha ka kyrdan Sun Inspector kilah ban beh lada don ka jingialum briew.
