Maligoan, Lber 08: Ka kynhun pulit Railway Protection Force (RPF) jong ka Northeast Frontier Railway (NFR) kila pynlong ia ki jingkhynra ia ki nongleit nongwan da ka rek naduh ka 28/Rymphang/2026 haduh ka 4/Lber/2026 kila khynra ia ki nongleit nongwan kiba Ishan khmat.
Kane ka jingleh ka long ban wanrah ia ka jingshngain ha ka leit ka wan da ka rel ia ki paidbah bad ha ka juh ka por ban iada ia ki jingdon jingem jong ka tnad rel bad ha kane ka jingleh ki RPF kila ioh ban kem ia kiba pyndon kam bakla ia ka leit ka wan da ka rel bad la ioh ban kurup ia ki mar khaii beain.
Ka jingdon ki katto katne kiba leh beain kala wanrah ia ka jingma ia ki nongleit nongwan namar kala don ka jingmynsaw jong u wei u nongleit daka rel ha ia kine kiba la ioh ban kem la pynshitom ia ki katkum ki kyndon ka ain.
Ki pulit RPF kila ioh ban kurup shibun ki mar khaii beain khamta ki Ganja bad haba khien ha ka dor iew kala kot sha ka T.25.45 lak tyngka, nalor ki kam ban peit ban iada ia ki nongleit nongwan ki pulit RPF kila ioh ban pynlait ruh shibun ki khynnah kiba don ha ka jingma bad ia ki la aiti sha ki jaka ri khynnah.
