Shillong, Lber 08: Ka iing dorbar thawain ka jylla kala pynlait ia ka pisa T.5,90,00,000/- tyngka kaba la pan da ka tnad jngohkia pyrthei ban siew ia ki jinglut jingsep haba wan rwai u nongrwai ba pawnam u Ed Sheeran ha kane ka nongbah Shillong ha ka 12 Rymphang 2025.
Kumba la kdew ha ka jingpan pisa shuh ka tnad jngohkai pyrthei la ong ba ia kane ka pisa la mang ha u snem mang tyngka 2024-25, ia kane ka pisa ym shym lah ban sei namar kam pat don ka pisa bad ka pisa kaba la mang ha kane ka snem mang tyngka 2025-26 ruh kala lut.
Ia kane ka pisa T.5.9 klur tyngka ka long kaba don kam ban siew lut ia ki jinglut jingsep ha kaba ia dei bad ka jingwan jong u nongrwai ba pawnam ka pyrthei ha kane ka nongbah Shillong ha kaba ka iing dorbar kala pynlait ia kane ka pisa ba ka tnad jngohkai pyrthei kan siew ia ki bill ba dang sah.
