Shillong, Lber 15: Ka seng Hynñiewtrep Integrated Territorial Organisation kala phah da ka jingthoh sha u Ravi Shankar Prasad myntri kam ain ka sorkar pdeng ban sngap ia ka jingnangnud ki paidbah Riewlum ka jylla Meghalaya ban nym pynlong sain pyrthei ia ki District Council ha Meghalaya.
Ha ka shithi kaba la phah mynta ka sngi ka HITO kala ba ka sngewioh mynsiem na ka jingkren jong u sha ki lat pathai khubor ban pynneh pynsah ia ka thymmei bad ki riti dustur bad ka jinglong bala kloi ban peit ia kane lyngba ka kaiphot jong ka National Commission to Review the Working of the Constitution (NCRWC) 2002, kaba long mar khongpong bad ka jingkren. Katkum katei ka NCRWC ka ai jingmut ban don ki bym dei riewlum sha ki shaki District Council.
Ha ka jngkren u myntri ka sorkar pdeng ka don ka jingdiaw na ka jngwan ki poiwir na Bangladesh sha kane ka thain khamtam sha Garo Hills bad kane ka jingjia kaba dang shen bad ka seng kala thoh bunsien ha kaba ia dei bad kane ka jingwan rung ki mynder ri bad dei na kane ka dawba kwah ban pyntrei kam ia ka ILP ha baroh kawei ka jylla Meghalaya.
Kane ka jingjia kaba dangshen ha Garo Hills ka kdew shai ba ka sorkar kamdon kata ka jingshim khia ban iada ia ki riewlum bad ka jingkren kam dei tang ban ioh vote ia ka BJP ha kane ka MDC elekshon ha GHADC bad lada don ka jingsngewkhia pynlong ia ki District Council ban lait na ka jingpyndon kam ha ka sain pyrthei.
Kane kaba long mynta ha ki District Council ka shong ha ki political party kiba la ithuh da ka Election Commission ka Ri India namar khtamtam eh ki khasi kim don party haka jaka jong ki seng sain pyrthei pynlong noh ia ki khlieh nongsynshar ban don ha District Council, ia ka shithi la soi da u Donbok Dkhar President bad u bah Wanhun N Dkhar General Secretary.
