Shillong, Iaiong 21: Ka jingialang kaba ju long shi sien ar snem jong ka balang Presbyterian ia kaba la tip kum ka General Assembly jong ka Presbyterian Church of India kan sa long 6 sngi lynter ha ka balang Presbyterian Phudmawri ka ban sdang naduh ka 29/Iaiong/2026 bad kan kut ha ka 3/Jymmang/2026.
Haba kren ha ki lat pathai khubor u Rev.B.R.Kharnaior Senior Admistrative Secretary ha Shillong Press Club u la iathuh ba ka jingialang bah ka General Assembly jong ka PCI kaba ju long shi shien ar snem ia kane ka jingialang kaba la tip kum ka 46th Biennial General Assembly kan sa long ha ka balang Phudmawri ka ban long shi taiew lynter.
Kane ka jingialang ba shi shien ar snem ka ban long ha ka balang Presbyterian Phudmawri ka long kaba don jingmut bad kaba shongkun namar ha kane kajuh ka por ka balang Phudmawri kan rakhie ia ka jingdap 100 snem jong ka jingwan jong ka balang ha katei ka jaka, kum ka balang ka dap da ka jingsngewkmen ban pdiang burom ia ki dkhot ka PCI ki ban wan ia shim bynta ha kane ka jingialang.
U Rev. B.R Kharnaior u la iathuh ba hapoh ka PCI ki don 11 tylli ki Synod, bad kawei ka Provisional Synod, ka Mizoram Synod, ka Cachar Hills Synod , Manipur Synod Vietaram Synod, Ri Bhoi Presbyterian Church Synod, KJP Synod Mihngi, KJP Synod Sepngi, Tripura Synod,Presbyterian church synod, Karbi Anglong Presbyterian.Synod, Synod Pdeng Rangphai Provisional church Synod, Ia kane ki khmih lynti ba kin sa ai ka jingithuh ba kan long ka synod kaba pura.
