New Delhi, Iaiong 21: U Myntri Rangbah duh jong ka Ri India u Narendra Modi mynta ka sngi u kynmaw kyrpang ia kito ki mynsiem kiba la khlad ha ka jingshah hiar thma ha ki lehnoh ha Pahalgam kaba la jia ha kum kane ka sngi shisnem mynshuwa.
U myntri rangbah duh jong ka ri u la ong ba kum ka ri kan nym lah banklet ia kane ka jingjia bad ka ri hi kan don ryngkat bad ka iing ka sem jong ki ha kane ka jingjia kaba sngewsih bad u la ong ba ka Ri India ka ieng tylli kawei bad ia khun pyrshah ia ki kam lehnoh.
U Myntri Rangah duh jong ka Ri India u la ong ba kin nym pyndem ha ki kam lehnoh bad ka jingpyrshang jong ki ban ia leh pyrshah da ki kam runar kin nym poi shaei shaei, ka Ri India kan nym ailad ia ki kam lehnoh.
Kane ka jingkren u myntri rangbah duh jong ka Ri India ka long ba u la buh ha ka X ban kynmaw ia kito ki mynsiem kiba la khlad ha Pahalgam, namar dei ha kum kane ka sngi ba ki lehnoh kila thombor ia ki riew ha katei ka jaka bad mynta ka sngi kala kynjoh shisnem.
