Shillong, Iaiong 22: Ban plie lad plie lynti iaki khynnah skul ki bapher bapher kiba don hapoh ka Ri Bhoi District. Mynta ka sngi ka District Sports Office haka jingiatreilang bad ki bor jogn ka district kila pyn long iaka District Level Inter School Athletic Meet 2026 kaba la pynlong ha madan NSCA Mini Stadium Pahamsyiem kaba la sdang mynta ka sngi ka 22 tarik bad kan kut ha ka 24/Iaiong/2026.
Kum ka dak jong ka jing kynmaw ieid iaka samla Retina Hanse kaba dei ka nongialehkai Athletic napoh ka District Ri Bhoi kaba dang shu khlad shen naka liang ki nong pyniaid jong ka District Sports Office kila pynlong daka jingsngap kaba shiminit, baroh ki khynnah skul kiba la ia poi ban shimbynta ki long 1350 ngut.
Ha kane ka District Level Inter School Athletic Meet 2026 ki don 45 tylli ki skul kiba don hapoh ka District Ri Bhoi kiba la wan ban ia shim bynta ha kane ka District Level Inter School Athletic Meet 2026.
Ka long ka sien kaba nyngkong hapoh ka Inter school athletic meet ba kin don haduh 45 tylli ki skul kiba wan ia shim bynta, ha kine ki lai sngi lynter kin don ki jingialehkai bapher bapher kiba kynthup ka jingiakop mareh haki ba bun bynta bad ka jingiakop kum ka High Jump Long Jump ka Short Put lem bad kiwei kiwei ki jait jingialehkai.
Kum ka jing ai mynsiem iaki bor pyniaid jong ka District Sports Office la wan ban ai mynsiem ruh da u Dy SP napoh ka tnat pulit Ri Bhoi u Bah O Masar kum u kongsan haka jingiadonlang u IPS ka District u Narayan Upadhyay kum u Symbud Kongsan nangta ka Kong Deizy Marwein kaba dei ka Coach jong ka Athletic napoh ka tnat Directorate jong ka Sports hapoh ka jylla, u District Sports Officer u bah Bobby L Nongbet
Haba ai jingkren naka liang u O Masar u la pynkynmaw iaki khynnah skul ba ma u ruh u long kumba long ma ki haki por kiba dang leit skul u ju ia shim bynta haki sports bapher bapher bad u la mynsiem ruh dakaba ong ba kam pher lada jop ne rem ruh hynrei ki dei ban trei shitom khamtam haka jing ia mareh namar ba bun mynta ki khun samla kiba stet ban mareh kila ioh kam ioh jam hapoh ki tnat pulit ki bapher bapher.
