Tura, Risaw 22: Ka tnad khlaw kala leit khynra iaka jaka ot dieng beain ha West Garo Hills, ha kaba kala ioh kurup iaki dieng bad ki mashin ot dieng ha katei ka jingkhynra kaba don hajan Bhaitbari habka 21 tarik Risaw.
Ha katei ka jingleit khynra, ia kane ka kynhun, ka ialam khmat da u Range Officer ka Hollaidanga Range, hapoh ka jingpyniaid jong ka Divisional Forest Officer, West bad South-West Garo Hills Territorial Division, kaba la pynlong ia katei ka jingkhynra ha Belbari bad Gasbari Sorokpara kaba bud da ki kaiphod jong ka jingpyniaid beain iaka karkhana ot dieng.
Ha Belbari, ki heh sorkar kila ioh 40 tylli ki dieng Sal hadien ba ka kynhun forest kala dep pynpra noh ia kine ki mashin hashwa ban poi ma ki. Ha Gasbari Sorokpara, iaka mashin ot dieng beain la dep pynpra, kynthup iaka engine, ki khain rynjup bad kiwei kiwei kiba iadei bad ka.
Katba iaki dieng bad ki mashin, la dep rah sha Hollaidanga Range Headquarters na ka bynta ka jingshngain.
U Divisional Forest Officer, u Rupanker K. Marak, IFS, u la ong ba ka jingkhynra bad ka jingbthah kaba pyrkhing halor ka kam khaii beain kan bteng ban pynpra lyngkhot lyngkhai iaki kynhun khaii dieng beain ha kylleng ka West Garo Hills.
