Shillong, Risaw 22: Mynta ka sngi 22/Risaw/2026 ha ka por shiteng synnia ki briew kiba ym lah ban ithuh kila leit ban kawang petrol bom ia ka ophis jong ka Enforcement Directorate ka pla pisa ka sorkar pdeng kaba don ha Langkyrding.
Na ki CCTV kiba paw ba ki runar kiba kawang ia u petrol bom kila wan na ki thain Lumshyiap da ki kali ar shaka bad ynda poi ha khmat katei ka ophis kila kawang ia iaid artad ia u petrol bom bad ki kiew artad sha ki thain Mawpat.
Ha kane ka jingjia shah kawang petrol bom kam shym la don kano kano ka jingjia kaba sngewsih ne ka jingjulor namar u petrol bom u ba kila kawang u la hap ha ki maw kyndon jong katei ka ophis ban shu kdew ba ka jingkawang petrol bom ha kine ki ar sngi kala long ha ki saw tylli ki jaka, ha Kench’s Trace, Keating Road, Laitumkhrah bad ha Langkyrding.
Halor kane ka jingjia ki pulit kiba dei na ka Forensic Crime Unit kila leit sha katei ka jaka ba don ka ophis Enforcement Directorate ban shim ia ki sabut na ka bynta ban pynlong ia ka jingtohkit bad ban lap ia ki nonglehkam sniew kiba la kawang petrol bom ia katei ka ophis jong ka sorkar pdeng.
