Shillong, Risaw 22: Kum shi bynta ban plie lad ia la ki khun samla ba don ia ka sap ne pyrshang ban long ki nongialehkai badminton kiba kynsai, ka Lumparing Sports Club ryngkat ka jingiatrei lang bad ka District Sports Promotion Society, East Khasi hills, District ka la lah ha kaban pynlong ia ka Badminton Tournament kaba ka phang pdeng ka jong ka, ka dei Smash, Serve, Win.
Ia kane ka jingiakob, la pynlong naduh ka 17 haduh ka 21 tarik mynta ka taiew, ha Indoor Stadium, ka Lumparing Sports Club.
Ia kane ka jingiakob la pynlong d aka jingphiah ia ki kyrdan ialehkai bapher bapher, kaba kynthup ia ka U-14, U-16, U-18, ha kaba la wan ban iashim bynta lang ruh wat da ki khynnah ne ki samla ialehkai na ki jylla ba marjan bad ka thain shatei lam mihngi.
Ha kaba kut jong kane ka jingiakob, ki nongjop ha ki kyrdan iakhun kat kumba la phiah ia ki, ki long U-14 ki kynthei nongjop dei Tezayah.B.Jyrwa, ba wan ba-ar Anjali Sharma, katba ha ka liang ki shynrang pat nongjop dei u Abraham Debbarma ba wan ba-ar Nilesh Jha.
Ha ka U-16 pat na ka liang ki kynthei, nongjop dei Josie Hadem, ba wan ba-ar pat dei ka Tezayah.B.Jyrwa, bad na ka liang ki shynrang pat nongjop dei u Haegan Diengdoh ba wan ba-ar Mousum Hiloidari.
Ha ka U-18 pat, ia ka nam lahduh la rah da ka Josie Hadem ba wan ba-ar Kiipa Paotei, bad na ka liang ki shynrang nongjop dei u Thungnam Maimai ba wan ba-ar dei u Mousum Hiloidari
Katba ha ka jingialehkai ba shijur ne doubles ki khynnah shynrang ka nam jop ka leit sha u Ruzevo bad u Sewang bad ba wan ba-ar dei u Aryan bad u Shubham.
Kongsan ba la wan ban iadon lang ha ka jingpynkut ia kane ka jingiakob dei u MDC ka Laban –Mawprem Constituency u bah Ricky Shullai, ryngkat u vice president ka Meghalaya State Badminton Association u bah P. Laloo, bud pat sa ki dkhot nongkit kam ka Lumparing Sports Club.
H akaba kut jong ka jigiakhun, la pynbud pat da ka jingsam ia ki khusnam ba kynthup ia ki trophy bad ka song pisa.
