Shillong, Jymmang 02: Ka North Eastern Handicrafts and Handlooms Development Corporation (NEHHDC), ka CPSE hapoh ka tnat Development of North Eastern Region (MDoNER), mynta ka sngi ka la plié paidbah ia ka Padma Doree, ka sienjam ba kyrpang kaba iadei bad ka kam shna jain kaba pyniasoh ia ki kam shna jainEri (Ahimsa) jong ka thain shateilammihngi bad ka dustur thain jainChanderi jong ka Madhya Pradesh.
Ia kane ka sienjam la pyllait paidbah da u Secretary, MDoNER, u Sanjay Jaju, bad la bud ia kane da ka jingpynijain kaba itynnad kaba la pyni ia ka jingpyniasoh lang ia ka jainEri silk — kaba pawnam na ka bynta ka jingpynmih kaba don jingbahkhlieh bad kaba iaineh—ryngkat bad ki motif jong ki jainChanderi.
Haba ai jingkren ha kane ka jingialang, u Sanjay Jaju u la ong ba kadei ka jingthmu jong u Myntri Rangbahduh ka ri u Narendra Modi kaba la pynurlong ia ka Padma Doree.
U la ong ba hapoh ka jingialam kaba shemphang jong u Myntri ka tnad Development of North Eastern Region u JyotiradityaScindia kane ka sienjam ba thymmai ka la urlong mynta ka sngi.
U la ong ba ka Padma Doree ka long kaba kyrpang namar ka wan na ki ar jait ki dustur kiba iadei bad ka kam shnajain – Chanderi na Madhya Pradesh bad Eri Silk na ka thain shateilammihngi. U Jaju u la ong ba ka Padma Doree ka wanrah shakhmatia ki kam ba hiar pateng bad ruh ia ka jingsaindur thymmai.
Ha kane ka sngi la don ka jingpyniia ki jaitjain bapher bapher, ha kaba ki briew ki la iohi ia ka jingiaid lynti ka kam shna jain bad ka jingiatreilang kaba la pynurlong ia kane.
Ha kaba iadei bad ka kam shna jain jong ka India, ki jingnang jingstad tynrai, bad ki kam kiba iaineh, kane ka sienjam ka ban jur halor ka jingiahap jong ki kam tynrai ha ki iew kiba mynta ka por.
Kane ka jingpyni mar kaba lai sngi, kaba la sdang mynta ka sngi, kadei kaba la pynkhreh kum ka rynsan kaba don ki jingiamir jingmut bad kaba kyllakatkum ka jingdonkam, kaba plié lad ia ki briew kiba wan iashim bynta ha kane ka prokram ba kin iakren bad ki nongsaindur, sngewthuh ia ka kam, bad iohi ia ka jingpynkylla ia ki ksai sha ki jain.
Ki nongsaindurna ka thain shateilammihngi bad Madhya Pradesh ki iashim bynta ha kane ka prokram ha kaba ki pyni dalade ia ki kam bad ki batai shaphang ki kam shna jain tynrai. Ha kane ka prokram la don ruh ki bynta kiba iadei bad ki jait bam kiba pyni ia ka jingiar jong ka dustur ha kine ki thain kiba iashim bynta.
Ha kaba ai jingkren ha ka prokram, u NEHHDC Managing Director Mara Kocho u la ong, “Ka Padma Doree ka pyniasoh ia ki kam shna jain jong ka thain shateilammihngi bad ka dustur shna jainChanderi, kaba pynbiang ia ka jinglong jingman kaba don ka jingiasohbad kaba iaineh ha ki kam shna jain.”
Ha kane ka sngi la wan iashim bynta da u Director ha ka kam shna phlimu Muzaffar Ali, ki ophisar ka Tnat DoNER, ki ophisar na ka Madhya Pradesh Handloom ha ryngkat ki kynrem ki lyndan bad ki nongsaindur kiba don bynta bad kane ka sienjam.
