Shillong, Jymmang 02: U rangbah shnong ka Nongtyngur u la leit ban rah ia u khar bangla ba la tip kyrteng kum u Md. Hussain 32 snem sha Pynursla Ploce Station u ba la wan rung beain sha India.
Haba la don ha kti jong ki pulit, ha ka jingtohkit la iathuh ba la shah beh ha ki shipai BSF ha khappud bad la rung beain sha India bad ha kane ka jingshah beh la poi sha kane ka shnong ha ka por 12.30 baje mynstep shiteng miet da ka jingthmu ban leit sha Mumbai ka jylla Maharastra ban trei bad u kni jongf u.
Ki shipai BSF ha ka 29/Iaiong/2026 kiba don ha Pyrdiwah kila ioh bam bat ia kawei ka kali kaba don ia u number AS-01GG-4557 ha jingkieng Dawki bad ha kane ka kali ki don san ngut ki briew kiba la suba kidei ki khar Bangladesh.
Kiba don ha kane ka kali la tip kyrteng kum u Safigul Rahman Khan 26 snem, ka Hima Safiqul Khan 20 snem bad lai ngut ki khynnah bad u ba niah ia kane ka kali dei u Ramjan Hussain Barbhuia 47 snem na Assam.
Ha ka jingtohkit kine ki briew kila shah beh sha Bangladesh ha u snem 2025 na Surat ha ka jylla Gujarat lyngba ka Sylhet, hynrei mynta kine kila rung biang sha India da ka jingthmu ban leit biang sha katei ka juh ka jaka ha Surat ka jylla Gujarat.
