Shillong, Jylliew 19: Mynta ka sngi 19/Jylliew/2026 ki samla pule ka Shillong College kiba shah hikai “Internship’’ ha ka kam thoh khubor kila ia kynduh ia u syiem khynnah ka Hima Khyrim u paiem Habapan Singh Syiem ban sngewthuh ia ka synshar tynrai.
Ha kane ka jingiakynduh na ka liang jong u syiem khynnah u la batai ia ki samla pule ba haba sdang ka dei ka Hima Shyllong dei tang ha u snem 1853 ki phareng kila phiah ia ka hima ha ki ar bynta ka Hima Khyrim bad ka Hima Mylliem bad ka Hima Khyrim ia ka khet synshar la pynneh ha Smit.
Watla la phiah ia ka Hima Shyllong ha ki ar tylli ki hima, ka Hima Khyrim, kala bat ia ka niam kumba ka long haduh mynta ka hima ka don hynriew tylli ki Raid hapoh kine ki Raid ki don ki shnat Raid ki syiem Raid kumjuh ki rangbah shnong ne ki sordar shnong.
Ha kane ka jingiakynduh la batai ia ka jingiadei hapdeng ka hima, ki raid, ki syiem raid bad ki dorbar shnong kiba don hapoh ka hima.Ha ka hima ki don ruh kiwei ki jaitbynriew riewlum kum ki Tiwa, bad ki Lalung bad kine ki don ha khappud ka jylla Assam.
Ha kane ka jingiakynduh na ka liang ki khynnah pule kila ia buh ruh ia ki jingkylli ban sngewthuh kham bniah shuh shuh ia ka synshar tynrai ha ka It ka Hima kiba hap hapoh ka jingpeit jingkhmih jong ka Khasi Hills Autonomous District Council.
