New Delhi, Jylliew, 18: Ka kynhun shipai India kala kloi ban leit iashim bynta ha ka jingialehkai ryngkat ki kynhun shipai na ki ri kiba bun ba la pynlong lang ia kaba la tip kum ka KHAAN QUEST. Yn sdang ia kane naduh ka 20 tarik, Jylliew haduh 3 tarik Naitung 2026 ha Five Hills Training Area, Ulaanbaatar, Mongolia.
Lyngba kane ka jingialehkai, kan pyn tylli ia baroh ki ri ka pyrthei ba kin iatreilang bad ka jingpynurlong bad pynbha iaka jingiatreilang ha ki kam pynneh jingsuk kaba hap hapoh ka lynnong ba 7 jong ka United Nations Charter. Katba iaka bynta ba la dep jong kane ka jingiashim bynta, la dep pynlong naduh ka 14 haduh 28 tarik, Jylliew 2025 ha Mongolia.
La sdang ia kane kum ka tamasa na ki ar liang ki ri ka pyrthei hapdeng ki shipai America bad Mongolia ha u snem 2003. Hynrei naduh u snem 2006 shaneng, kala sdang da ka jingialehkai thma ban kyntiew ia ka jingsuk hapdeng shibun ki ri.
Ka jingiashim bynta da ki shipai India ka pyni iaka jingkut jingmut baskhem ha kaban wanrah iaka jingsuk bad jingiatreilang bad ka Mongolia. La don haduh 40 ngut ki shipai Indian kiba la mihkhmat da ka kynhun na ka Battalion jong ka JAT REGIMENT ha ryngkat kiwei pat ki kynhun shipai bad ki tnad shakri.
Ka jingsdang iaka KHAAN QUEST ka long ban pynkhreh iaki shipai ban iashim bynta ha kaban pynioh iaka ri ba shongsuk bad pyntreikam ha bun tylli ki jaka.
Kane kan kynthup iaki jinghikai halor ki rukom treikam thma kum ka jingbuh iaki jaka talasi ba iaid, ka jingkhynra bad kiwei kiwei, ka jingiaid kylleng kylleng ki kali pulit ha ki surok, ka jingpyn thylli iaki riew paidbah na ki jaka ba don jingma, ka jinghikai iaki tiar bthei, ka jingiarap para briew bad kiwei kiwei.
Ka jingialehkai thma Khaan Quest kan pynioh lad iaki ri kiba iashim bynta ban iabitlang iaki rukom trei kiba bha tam, kane ka pynsuk ia ka jingpeitngor, ka jingiatiplem bad ka jingiateilang kaba jan hapdeng ki shipai na kine ki ri.
