Shillong, Jylliew 18: U Chief Executive Member ka Khasi Autonomous District Council u bah Winstone Tony Lyngdoh haba jubab ia ka jingkylli bala wanrah da u bah Ricky Shullai haba iadei bad ka jingpyntreikam ia ka Digital na ka bynta ka Trading License u CEM u la ong ba ia mynta ki dang peit bniah.
Haba jubad ia ka jingkylli bynrap u la ong ba kila ia pyrshang ban ia kren bad ka National Informatic Centre tang ban sngewthuh lada pyntreikam da ka Digital haba iadei bad ka Trading License kan long kumno.
Haba iadei bad kane la ong ba ia mynta na ka liang jong ka District Council kam pat don kano kano ka jingpyrkhat namar donkam shibun ki kyndon kiba hap ban leh, khamtam ia ki briew bala tbit ban trei bad donkam ruh ia ka pisa ban pyntreikam dei na kane ka daw ba ia mynta kam pat don kata ka jingpynkhreh ia ka Digital haba iadei bad ka Trading License.
Haba jubab ia ka jingkylli bynrap jong u nongialam ka liang pyrshah u bah Titosstarwel Chyne u CEM u la ong ba na ka liang ka Executive Committee ka sngewthuh shai kdar ba lada pyntreikam ia ka Digital kan long tang na ka bynta ka jingpynthymmai ia ki Trading License hynrei na ki bynta kiba applai thymmai kin hap ban wan applai sha ophis.
