New Delhi, Jylliew 18: Ka Kolkata ka la pynkhreh ban pynlong ia ki jingrakhe ha ka ri baroh kawei na ka bynta kaInternational Day of Yoga (IDY kaba 12 ha ka 21 tarik Jylliew ha Red Road ka surok kaba
pawnam, ha kaba u Myntri Rangbahduh ka ri u Narendra Modi un ialam ia ka ri ha ka
Common Yoga Protocol.
Shuwa ki jingrakhe ia ka IDY, u Myntri Rangbah ka Jylla West Bengal u Suvendu Adhikari bad u Myntri khynnah ka Sorkar Pdeng (Independent Charge) ka
tnad Ayush bad u Myntri Khynnah ka tnat ka Koit ka Khiah, u Prataprao Jadhav ki la ai
jingkren ha ka jingīĩalang bad ki nongthoh khubor ha Nabanna Sabhaghar mynta ka sngi, da kaba kren shaphang ka jingkongsan, ka jingheh bad ki jingpynkhreh ia ka International Day of Yoga mynta u snem.
Ha kane ka jingialang bad ki nongthoh khubor, la pyllait paidbah ia khatar tylli ki special philatelic cover ban kynmaw burom ia ka International Day of Yoga 2026, da u Myntri Rangbah ka West Bengal u Suvendu Adhikari bad u Myntri Khynnah ka sorkar pdeng ka Tnad Ayush u Prataprak Jadhav, ha ka jingiadon lang u Chief Postmaster General, West Bengal Circle, u Ashok Kumar.
Haba ai jingkren sha ki lad pathai khubor, u Myntri Rangbah ka Jylla u Suvendu Adhikari u la ong ba ka dei ka jingsngew sarong kaba khraw ĩa ka West Bengal ban pynlong ia ki
jingrakhe ia ka International Day of Yoga 2026 ha Kolkata.
U la batai ia ka Kolkata kum ka nongbah kaba la tip na ka bynta ka kolshor, ka mynsiem bad ka jingstad kaba riewspah, kaba dang iai bteng ban pynneh ia ki nongrim jong ka koit ka khiah bad ka bha ka miat jong baroh.
Haba ban jur ia ka Yoga kum kawei na ki jingai sngewbha ba kordor tam jong ka India sha ka pyrthei, u Myntri Rangbah u la ong ba ka rukom kaba hyndai ka pyniasoh lang ĩa ki briew ha ka jingwad īa ka koit ka khiah, ka jingīasuk bad ka jingsuk hapoh mynsiem.
Haba kren shaphang ka phang pdeng jong une u snem, “Yoga for Healthy Ageing”, u la ban jur ba ka Yoga ka don ka bynta kaba kongsan ha kaba kyntiew ia ka jingkoit jingkhiah ha ka met, ka jingkhlain ha ka bor pyrkhat bad ka jingryntih ha ki jingsngew, kaba iarap ia ki briew ban im ka jingim kaba koit ba khiah bad kaba do ka jingsngewhun.
U Myntri Rangbah u la iaroh ia ka jingtrei shitom jong ka Tnad Ayush ban rah ia ka Yoga sha man la ki dong jong ka ri bad ban pynkylla ia ka sha ka jingiakhih jong ki briew baroh shisnem lyngba ki sienjam bapher bapher kum ka Yoga 365, Yoga for Healthy Ageing, Yoga for Non-Communicable Diseases, Yoga Park Initiative bad 100 Days of Free Online Yoga, da kaba pynkhlain ia ka jinglong nongialam jong ka India ha ka pyrthei ha ka koit ka khiah bad ka bha ka miat ba pura.
U Myntri ka sorkar pdeng u Prataprao Jadhav u la ban jur ba ka International Day of Yoga
2026 kam dei tang ka jingialang hynrei ka dei ka jingrakhe jong ka ri ia ka jingstad jong ka
India kaba iaineh, kaba la kylla long ka jingiakhih ha ka pyrthei na ka bynta ka koit ka khiah,ka jingiasuk bad ka bha ka miat jong baroh.
Haba ban jur řa ka jingkiew ka jingiashim bynta ha ka pyrthei, u la ong ba lyngba ka jingīatreilang jong ka Indian Council for Cultural Relations (1CCR) bad ki Indian Mission shabar ri, ĩa ki jingrakhe ia ka Yoga Day mynta u snem la pynlong ha jan kumba 2,500 tylli ki jaka ha kylleng ka pyrthei, ryngkat bad ka jingiashim bynta na palat 210 ki Indian Mission, kaba pyni ia ka bynta jong ka Yoga kum ka jingiakhih ha kylleng ka pyrthei na ka bynta ka bha ka miat jong baroh.
U Prataprao Jadhav u la kren shaphang ka jingjop jong ka sienjam Yoga 365 jong ka Tnad, kaba thmu ban pynlong ia ka Yoga ka bynta ba kongsan ha ka jingim kaba manla ka sngi.
U la kren ruh shaphang ka jingpyndep kaba jop ia ka 100 Days of Free Online Yoga bad ong ba ka jingpyni live ia ka jingleh yoga ha ka ri baroh kawei kaba la pynlong ha ka 14 tarik Jylliew ka la sakhi ka jingiashim bynta kaba palat saw lak ngut ki briew ha kajuh ka por, kaba la thaw ia ka Guinness World Record kaba thymmai.
U Jadhav u la pyntip shuh shuh ba ka Tnad Deiriti ka la pynlong ĩa ki jingrakhe ba kyrpang ha kaba iadei bad Yoga ha 100 tylli ki jaka ba pawnam ha kylleng ka ri India, kaba pyniasoh ia ka Yoga bad ka kolshor jong ka ri, ka kam jngohkaipyrthei bad ka jinglong tynrai jong ka ri.
U la pynpaw ruh ia ka jingsngewnguh ia ka Sorkar West Bengal halor ka jingkyrshan jong
ka ha kaba pynlong ia kane ka prokram jong ka ri bad ong ba ka jingiashim bynta kaba iar na Kolkata bad ha kylleng ka Bengal ka pyni ia ka jingkiew ka jingiasoh ki briew bad ka Yoga.
Ha ka jingialang bad ki nongthoh khubor la kren ruh shaphang ki kam bapher bapher ba la pynlong ha kylleng ka ri kum shi bynta ban niew ia ki sngi shuwa ban sdang ka International Day of Yoga 2026, ba kynthup ia ka prokram kaba 100 sngi ha New Delhi.
Ka jingialang kaba 75 sngi ha Lonar ha Maharashtra, ka jingrakhe kaba 50 sngi ha Kanha Shanti Vanam ha Hyderabad bad ka jingniew kaba 25 sngi ha Khajuraho. Kawei pat ka mat kaba kongsan ka long “Gangotri to Gangasagar – Ganga Bank Yoga Journey”, kaba pyniasoh ia ka Gangotri, Rishikesh, Haridwar, Prayagraj, Varanasi, Patna, Hooghly bad Gangasagar, kaba wanrah lang
ia ka Yoga, ka jingsngewthuh ia ka mariang, ka kolshor jong ki wah bad ka jingiashim bynta jong ki briew.
La plie ia ka jingialang bad ki lad pathai khubor da u Sharadwat Mukhopadhyay, u Myntri ka tnad ka koit ka khiah jong ka jylla West Bengal; Dr. Manoj Kumar Agarwal, Chief Secretary, Sorkar West Bengal, bad Vaidya Rajesh Kotecha, Secretary, Tnad Ayush.
La pynkhreh ia ki jingīalang kiba bun jait ha kylleng ka Kolkata bad West Bengal ha ka
jingiaid lynti sha ka 21 tarik u Jylliew, kynthup ia ka jingniah cycle na ka bynta ka jingkoit jingkhiah, ka Yoga ha ki skul bad ki ophis sorkar, ka Yoga na ka bynta ka jingkoit jingkhiah ha ka bor pyrkhat, ka Yoga na ka bynta ka koit ka khiah jong ki kynthei, ka Yoga na ka bynta ki riew tymmen, ka Corporate Yoga bad ki prokram ba iadei bad ka Yoga na ka bynta ki pulit, Fire Services bad ki jaka ai jingsumar.
Ka sienjam ba kyrpang, Daud Se Dhyan”, yn pynlong ha ka 19 tarik Jylliew ha khatwei tylli ki jaka ha Kolkata, bud sa ka Vande Yogam bad ki jingrakhe ia ka West Bengal Foundation Day ha ka 20 tarik Jylliew harud ka wah Hooghly ha kaba yn pynlong ia ki jingpyni ia ka kolshor, ki jingiakop saindur, ki jingiakop shon dur bad ki kam pyniadei bad ki paidbah.
Ki jingrakhe kin don ruh ĩa ki jingpyni Yoga paidbah ha ki 500 tylli ki lieng sha shiliang ka
wah Hooghly, kaba pyni ĩa ka Yoga bad ka pateng ba riewspah jong ka Bengal.
Ka Kolkata kan sakhi ĩa ki jingpyni kiba īadei bad ka Yoga, ki jingpynthaba ba kyrpang ia ki jingkieng bad ka jingpyni ĩa ka jingpynher drone kaba don jan 3,000 tylli ki drone ki ban pyni ia ka jingiaid lynti ka Yoga jong ka India bad ban ai burom ia ki riewstad ba khraw jong ka Yoga.
U Myntri Rangbah ka Jylla bad u Myntri ka tnad Ayush ki la kyntu ia ki nongshong shnong khamtam ia ki samla bad ki riew tymmen, ban pynlong ĩa ka Yoga kum shi bynta ka jingim ba man ka sngi bad ban pdiang ia ka kum ka bynta kaba iaineh baroh shi jingim na ka bynta ka jingkoit jingkhiah ha ka met, ka jingsuk ha ka bor pyrkhat bad ka bha ka miat baroh kawei.
La pynshlur ruh ia ki nongshong shnong ban ĩashim bynta shitrhem ha ki jingrakhe bad ban pynrung kyrteng ia ki jingleh Yoga jong ki ha ka Yoga Sangam portal.
Ka jingrakhe ha Red Road kan sdang ha ka por 5 baje mynstep ha ka 21 tarik u Jylliew, ha kaba da ki hajar ngut ki nongiashim bynta kin iadon lang ha kine ki jaka bad da ki million ngut la khmih lynti ba kin iashim bynta lyngba ka bor internet na kylleng ka ri India bad kapyrthei, kaba pynskhem biang ia ka bynta jong ka Yoga kum ka jingiakhih ha ka pyrthei na ka bynta ka koit ka khiah, ka jingiasuk bad ka bha ka miat jong baroh.
