Shillong, Nailar 04: Ka ophis treikam jong u Superintendent of Police, East Khasi Hills District, Shillong, u bah Vivek Syiem u la ong ba ha ka 28 tarik Nailur, 2015, la don ka ejahar kaba la ioh na Madanrting Police station ba u Abdul Khudus u la jrong kti ia kawei ka khynnah kaba la don 7 snem ka rta.
La ong ba la dep register ia ka mukotduma ha ka Madanrting P.S Case No. 117(9)2015 u/s 506 IPC R/W Sec 8 POCSO. La dep tohkit ia katei ka jingjia bad ia uba donkti, la ioh kem bad la tip kum u Abdul Khudus.
Hadien ba la dep ka jingtohkit, u ophisar ba dei ban tohkit u la dep pynngat hapoh ka kyndon ain vide CS No. 12/2016 ha ka 9 tarik Iaiong 2016 hapoh ka kyndon 506 IPC Act
Ha ka 28 tarik Naitung, 2026, ka nongbishar, ka kong M. K Lyngdoh, Special Judge (POCSO), East Khasi Hills, Shillong vide Judgment/Court Order bad ha ka 28 tarik, Naitung, 2026, kala pynngat ia u Abdul Khudus ha ka Special (POCSO) Case No. 21 of 2016/ Madanrting P.S Case No. 117(09)2015 u/s 7/8 POCSO Act R/W Sec 506 IPC.
Ia utei uba donkti ha katei ka kam sniew, la pynngat ban set along ia u haduh 3 snem lem bad ka kuna haduh T. 20,000/-na ka bynta ka u/s 8 POCSO Act ryngkat bad ka jingset ia u haduh 6 bnai. Ia utei u runar, la hukum ban set sa ar ngut na ka bynta ka u/s 506 Part I IPC.
Utei u runar u la pyndep ka jingshah set hapoh phatok haduh ar bnai bad shi sngi. Un sa sah sa ar snem, khyndai bnai bad arphew khyndai sngi hapoh phatok. Ia katei ka mukotduma, la dep tohkit da u WPSI P. Wahlang uba la don ha Rynjah P.S, East Khasi Hills.
